Noueste sìti à gràtis "http://lexiqueprovencal.com" de l'assouciacien "l'Espai Miejournau" prepauso un leissique óucitan de Prouvènço, leis estra d'un rouman " Fino e Cesar " dins quete l'autour Pierre Dominique Testa, escrivèire, li descriéu la vido d'uno famiho à Alau entre 1890 e 1995. L'assouciacien " l'Espai Miejournau " prepauso tambèn de pouèmo que leis amaire de la telaragno pouedon manda pèr leituro publico, ansin que de mouloun de liame emé de sìti en lengo d'Ó vo que pretocon la lengo d'Ó, aparia d'adrèisso indefugiblo.
Cap d'an 2025 ! Cap d'an 2025. Es bèn courtet, 'queste cap d'an ! Sounco vue jour à prene plan Sèns s'aprèissa, emé la fam De l'an que vèn, luen dei trevan Qu'an puei passa 'mé sèi sagan Qu'en tout lue fasien ramadan ! Qu'es bèu aquest espèr soutran Que vivèn fouero tout boucan. Si sente, quand jougnan lei man, Qu'arribo coum'un vounvre Sant, Venènt trebla nouest' arm' à brand, Tau coumo 'n es pèr d'armitan. Alouro aqui, sèns chamatan Istant remous, mai que certan, Lou couers gibla, d'entre douei banc, D'à genouioun sèns degun vam, Puei en silènci, sai pregan Qu'avengue lèu lou nouvèl an. Brave cap d'an qu'un cóup pèr an Nous prenses tant 'mé toun vergan ! Dins 'quéstei jour un pau moundan, Que festejan la fin de l'an, Es sèmpre bouen lou mato-fam D'aqueste courtet de cap d'an. Pierre Dominique Testa, ALLAUCH lou 26.12.2025. 
|
 |
 |
|
La Mort de Tante Augusta. (Pierre Dominique Testa, le 17.1.1987) |