Noueste sìti à gràtis "http://lexiqueprovencal.com" de l'assouciacien "l'Espai Miejournau" prepauso un leissique óucitan de Prouvènço, leis estra d'un rouman " Fino e Cesar " dins quete l'autour Pierre Dominique Testa, escrivèire, li descriéu la vido d'uno famiho à Alau entre 1890 e 1995. L'assouciacien " l'Espai Miejournau " prepauso tambèn de pouèmo que leis amaire de la telaragno pouedon manda pèr leituro publico, ansin que de mouloun de liame emé de sìti en lengo d'Ó vo que pretocon la lengo d'Ó, aparia d'adrèisso indefugiblo.
Bouen' annado 2026. Bouen' annado 2026. Au cap dóu det, ai l'amour pur Que mi crèmo, qu'embaussèmo, Au cap dóu det coumo dei gèmo Moun couar dardaio de bounur. E l'an nouvèu courre que lampo ... A touto bringo dins lei niéu, Ebri, encambo dins qu'un briéu Lou cèu ; car a pèr soul' escampo De far espeli un soulèu, Dei jour urous 'mé l'esperanço, Que sai pèr primo coumençanço Gansaiaran sèi cascavèu, Boutaran fue dins lei carrièro ; E sus lei plaç' e balouard Lou paure 'mé sèi pèd chambard, Embrassara lei capoulièro ; Lei mèstre dei gràndei bastido, En d'aquest jour dóu nouvel an, Li durbiran sèi pouart' à brand Que saran pres' à l'assalido.... Bouen' annado ! Que siègue l'an D'aqui douei milo vinto sièis Bèn grana d'un fais de crèis, Pèr vàutrei, pèr vouésteis enfant. Pierre Dominique Testa, ALLAUCH lou 30.12.2025. 
|
 |
 |
|
Lavàssi de desembre ... (Pierre Dominique Testa, lou 13.12.2022.) |