Notre site gratuit "http://lexiqueprovencal.com" de l'association "l'Espai Miejournau" propose un lexique occitan de Provence, des extraits d'un roman dans lequel l'auteur Pierre Dominique Testa y décrit la vie d'une famille à Allauch entre 1890 et 1995, des poèmes que les internautes peuvent envoyer pour lecture publique, ainsi que des liens de sites en langue d'Oc ou sur la langue l'oc, couplés d'adresses inévitables.
L'Estrangié ! Siéu devengu un estrangié Demié lei gèns de ma famiho ! Un ome, quàsi un dengié Qu'a chausi en bag' espousiho, Lou viei lengàgi dei bergié, Dei peissounié, qu'ei escoubiho Lei gèns màndon pèr barbarié 'Mé soun escàfi de bavariho ! Alouro quouro sian ensen, Dins un saloun, lei discutido Soun bèn souvènt à mié dóu cènt, Dei parladisso que l'eissido Es pounchudo fourçadamen : Tracho rèn que dei pouluido, Dei climatico, d'óucidènt Á ti douna la depremido ! E tout acó en franchimand Sèns degun mot dins nouesto lèngo ! Coumo se d'un calamentrant Aguèsse leis èr e l'arengo, E que siguèss' un espravant Que baièsse póu ei mesengo, Vo que faguèss' un laid bescant De far passi uno palengo ! Dins soun nisau chascun es bèn, Mai iéu, aqui es pus ma giro ! Soun mound' esclaire m'es pu rèn, Rèn qu'uno cavo que s'estiro Sèmpre que mai e mai pu luen Dei raro de nouésteis amiro, Qu'un jour, deman li negaren Noueste sabé e nouéstei tiro ! Iéu preferìssi moun peirard, Moun cire verd e sèi brouquèto, Moun papié fouele, moun bechard Pèr far mèi liéum' en dei banquèto, Pulèu que courre sai testard De descubert' en reboumbèto, Que fin final' à tèms vo tard, Saran qu'uno cambarelèto ! Urous aquéu qu'aura garda Dins sa remeso sa carreto, E sèis arnesc qu'aura penja Au cavihié 'mé d'escaleto E que rèn aura basarda Pèr gasana quàuquei bihèto Car lou Cèu pèr s'arrevenja Pourrié bèn nous faire d'espeto ! Sabès ço qu'avèn fach encuei 'Mé mèi felen, moun fiéu, ma noro ? Sian esta vèire leis asuei Dóu mounde à soun en-de-foro, Lou firmamen qu'a bel escuei, L'estelan que sèis gaioro Dins l'univers fan soun escuei, Emé lei galassìo floro. Ooooo de Boudiéu aquéstei gèns, Que pèr milié vengu pèr grapo, Vènon refurna leis apèns D'un noun-rèn que nous escapo, Mai que pourrié douna un sèns Á nouesto vido que s'arrapo Á la matèri pèr lou mèns, Sens perpensa que sian dei chapo ! Après, qu'à courre l'anavian, Sian dintra dins uno fusèio Que pèr ma fisto coumo dian, Èro larjo tal' uno muèio Quouro li a plougu dei tian D'aigo à gross' e fouarto pluèio, Longo de sièis pèd de lampian Que dins l'armado fan recruèio. Erian quicha coumo dei pèis Vo dins un boucau leis anchoio ! E au mai puei à la noun-crèis, Si davançavian emé voio, Au mai si preissàvon à crèis Lei vesitaire qu'emé joio, Voulien tasta eici meteis, La vido dins la gabinoio ! Vous assegùri que lèu lèu Sourtiguèri pèr prene d'aire, Qu'estoufega, vouliéu tanlèu Alena just un pau de caire, Mai erian noumbrous de cantèu De vougué retrouba dins gaire, La naturo emai lou cèu, Leis aubre de la terro maire ! Que tout acò m'es estrangié, 'Questo teinico que fai piho Dei viei secrèt qu'un Relougié, Tenié d'à mènt à meraviho ! Vouélon pas pus dóu Fachihié, 'Mé qu la mendro dei broundiho Dins lou Cosmos s'endevenié Dins lou grand ciéucle de la driho. Vouélon sai dei respouens' à tout ! Saupre lou crus de la matèri, Dins lei trau negre au fin tout Li vèir' encar d'àutrei tempèri, Ounte eilalin subre-que-tout, D'estello dins un refoulèri Nàisson, puei dins un brand derrout Mouàron dins un tarabastèri. Iéu vouéli pu jamai saché Ço que si passo dins lei jasso De noueste cèu e soun trapé ! Noun, vouéli pu faire la casso Au dessaupre qu'es en rebré, Mai vouéli ista à ma plaço Pèr toustèms, e à rebussité M'estabousi de ma vidasso. Pierre Dominique Testa, lou 30.10.2026. 
|
 |
 |
|
Siéu MARSIHES ! (Pierre Dominique Testa, 9.4.2021.) |